له اکاډېمیکو او سیاسي شخصیتونو سره کتنې!
د سرحدونو او قبایلو چارو وزارت مسلکي مرستیال ښاغلي ډاکټرفریدون بارکزي نن له غرمې وروسته له سیاسي او اکاډېمیکو شخصیتونو هر یو ډاکټراحمدشاه وزیر، ښاغلي سردارمحمد سنګرمل او عبدالوهاب افغانمل سره په جلا جلا توګه د خپل کار په دفتر کې وکتل.
په دې کتنو کې یادو شخصیتونو په بېلابېلو برخو کې د سرحدونو او قبایلو چارو وزارت هلې ځلې وستایلې او خپلې یو لړ ستونزې یې له ښاغلي مسلکي معین سره شریکې کړې.
ورپسې د وزارت مسلکي مرستیال ښاغلي بارکزي په خپلو خبرو کې د وزارت په غونډو او سیمینارو کې د دوې شتون اړین وباله زیاته یې کړه، چې یاد مشران باید په بېلابېلو برخو کې له وزارت سره خپلو همکاریو ته دوام ورکړي.
همدا راز ښاغلي سنګرمل د( حقیقت نه پټيږي) تر عنوان لاندې خپل یو چاپ شوی اثر ښاغلي مسلکي مرستیال ته ډالۍ کړ.
