لغمان کې د دوه کلنې شخړې سربېره باميان کې هم شخړه حل شوه
د لغمان ولايت د سرحدونو، قومونو او قبايلو چارو آمر د ځايي قومي مشرانو، ديني عالمانو او مصلحينو په ملتيا د دغه ولايت د مرکز اړوند باغ ميرزا سيمه کې د دوو کورنيو ترمنځ د تېرو دوو کلونو څخه روانه شخړه حل او فصل کړه.
ياده شخړه، چې د ځمکو د ملکيت پر سر راپورته شوې وه او دواړو خواوو ته يې لوی مشکلات ايجاد کړي وو د اسلامي املات د مسؤلينو په منځګړيتوب په سوله او ورورولي بدله شوه.
همداراز د باميان ولايت دسرحدونو، قومونو او قبايلو چارو آمريت استازو د ياد ولايت مرکز اړوند په سیاه خار سيمه کې د يوې حقوقي موضوع پر سر راپورته شوې شخړه د خبرو اترو له لارې حل کړه او ښکېل طرفونه يې سره غاړه غړۍ کړل.
دا په داسې حال کې ده، چې د سرحدونو، قومونو او قبایلو چارو وزارت د خپلو ولایتي ادارو له لارې هڅه کوي د خلکو ترمنځ خپلمنځي اختلافات، شخړې او جنجالونه حل کړي ترڅو هیوادوال له بدیو او تربګنیو خلاص د اتحاد او یووالي له ژوند څخه برخمن شي.
