د (یفتلیانو د امپراتورۍ تاریخ) د کتاب مخکتنې په غونډه کې ګډون!
د بدخشان سفر:
د سرحدونو او قبایلو چارو وزیر ښاغلي محب الله صمیم بدخشان ولایت ته د خپل رسمي سفر په دویمه ورځ په یاد ولایت کې د (یفتلیانوامپراتورۍ تاریخ) د کتاب د مخکتنې پهغونډه کې، چې ګڼ شمېر قومي مشران، فرهنګیان، ادیبان او مخور هم حاضر وو ګډون وکړ.
غونډه کې بيلابېلو قومي مشرانو، فرهنګي او علمي شخصیتونو، مخورو او ځوانانو خبرې وکړې او بدخشان ولایت ته یې د سرحدونو او قبایلو چارو وزیر د سفر هرکلی وکړ.
دغه راز یې له ښاغلي محب الله صمیم څخه مننه وکړه، چې د ملت او دولت ترمنځ د واټن په لنډولو کې نه ستړې کېدونکې هلې ځلې کوي او خپل ولس ته مثبته روحیه ورکوي، ترڅو د موجوده نظام او ملي امنیتي او دفاعي ځواکونو څخه بشپړ ملاتړ وکړي او ترڅنګ یې اوسي.
ورپسې محترم محب الله صمیم په خپلو خبرو کې د بدخشان د زړورو خلکو په تېره بیا د یفتلیانو مبارزه او کارنامې وستایلې وې ویل: زه د بدخشان له درنو ولسونو مننه کوم، چې تل یې د خپل نظام او د حکومت له برنامو څخه ملاتړ کړی، او په دې ولایت کې یې د ملي پروژو د پلي کولو په برخه کې همکاري ترسره کړې دغه راز ښاغلي صمیم یاد مشران سبا هغې سترې ولسي غونډې ته هم راوبلل چې د جمهوریت، نظام، ملي ـ امنیتي ځواکونو د ملاتړ او پر وسلوالو طالبانو د اوربند غږ په موخه د سرحدونو او قبایلو چارو وزارت له لوري جوړیږي.
