د کوچیانو څارویو ته د خوارکي موادو بانک جوړېږي
۳/ذوالحجةالحرام/۱۴۴۴
د کندز ولایت چهاردرې ولسوالۍ د نوآباد په سیمه کې د کوچیانو څارویو ته د خوراکي موادو بانک (feed bank) د افتتحاح مراسم ترسره شول.
د خوراکي موادو یاد بانک، د کندز ولایت د سرحدونو، قومونو او قبایلو چارو ریاست په هڅو او له مؤسساتو سره د همغږۍ په نتېجه کې د افغانستان لپاره د هالنډ کمېټې د مسؤلینو له لوري، افتتحاح شو.
د یادونې وړ ده چې په یاده سیمه کې د کوچیانو ۵۰۰۰ کورنۍ میشتې دي او د دوی د څارویو د خوراکي توکو د برابرولو په موخه به یاده مؤسیسه د شاوخوا یو میلیون افغانیو په ارزښت د خوراکي موادو د بانک په نامه یو پروګرام دایروي چې له جملې به یې د یوه اندازه د ساختماني چارو، څه برخه د ماشینري اخیستلو او پاتې نوري به یې د څارویو لپاره د خامو موادو برابرولو لپاره پکاریږي.
د افتتاح په مراسمو کې د سرحدونو، قومونو او قبایلو چارو رئیس احسان الله ثاقب د دغه پروګرام او همکارې مؤسیسې څخه مننه وکړه او د کوچیانو د ستونزو رفع کولو په برخه کې یې د لا زیاتو هڅو کولو ډاډ ورکړ.
د سیمې مېشتو کوچیانو د یاد ریاست او همکارې موسیسې له مرستې او همکارئ څخه مننه وکړه او د کوچیانو د ستونزو په برخه کې یې د لازیاتې پاملرنې غوښتنه وکړه.
