د کوچیانو او هزاره قوم د ګډ کمیسیون له غړو سره کتنه
۱۴۴۵/۱۰/۲۳
د سرحدونو، قومونو او قبایلو چارو وزارت د جرګو او قبایلو چارو مرستیال مولوي محمد علي جان احمد په میدان وردګو ولایت کې د هزاره او کوچیانو د شخړو د حل کمیسیون له غړو سره په خپل کاري دفتر کې وکتل.
د کتنې په پیل کې د کمیسیون یوه غړي د خپلو لاسته راوړنو او کارونو په اړه معلومات وړاندې کړل، په یاده برخه کې یې ځینې ستونزې او وړاندیزونه شریک کړل او په دغو برخو کې د هراړخیزه همکاریو غوښتونکی شو.
ورپسې د جرګو او قبایلو چارو د همغږۍ مرستیال ښاغلي احمد د دوی په راتګ خوښي څرګنده کړه، د دوی لاسته راوړنې یې وستایلې او ویې ویل: د سرحدونو، قومونو او قبایلو چارو وزارت د ټولو قومونو ګډ کور دی. هغه راغلي پلاوي ته ډاډ ورکړ چې د قانون او اسلامي اصولو په چوکاټ کې د دوی هر اړخیزې همکارۍ ته ژمن دی.