د کندز ولایت د خلکو ستونزې واورېدل شوې!
د سرحدونو او قبایلو چارو وزیر ښاغلي محب الله صمیم نن غرمه په ولسي جرګه کې د کندز ولایت د خلکو له استازي ښاغلي انجینر کمال صافي سره د خپل کار په دفتر کې وکتل.
په دې کتنه کې ښاغلي صافي بېلابېلو ولایتونو ته د سرحدونو او قبایلو چارو وزیر ښاغلي محب الله صمیم هڅې او هلې ځلې وستایلې، چې موجوده نظام او ملي امنیتي ځواکونو ملاتړ ته یې ولسونه وهڅول او دوی ته یې مثبته روحیه ورکړه دغه راز یې له محترم وزیر صاحب څخه غوښتنه وکړه، چې کندز ولایت ته هم سفر وکړي.
ورپسې ښاغلي محب الله صمیم په خپلو خبرو کې وویل: ټولو ولایتونو ته زموږ د رسمي سفرونو لړۍ روانه ده دا د وزارت لومړیتوب دی، چې د خلکو منځته ورشي، ستونزې یې واوري او د حل په موخه یې له اړوندو چارواکو سره شریکې کړي او هم د نظام او ملي امنیتي – دفاعي ځواکونو ملاتړ ته خلک راوبولي.
