د پکتیکا ولایتي شورا له رئیس او یو شمېر قومي مشرانو سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې د خپل کار په دفتر کې د پکتیکا ولایتي شورا له رئیس بختیار ګل همت او د یاد ولایت له یو شمېر قومي مشرانو سره وکتل.
په دې کتنه کې راغلو مشرانو د پکتیکا ولایت په موجوده ستونزو، د قومي جوړښتونو پر پیاوړتیا، ولسي بسیج او ورته نورو مهمو موضوعاتو بحث او خبرې وکړې او له وزارت سره یې د خپلو همکاریو ډاډ ورکړ.
ورپسې ښاغلي محب الله صمیم د خپلو خبرو په ترڅ کې وویل: تاسو مشران په خپلو سیمو کې باعزته سولې او تلپاتې اوربند ته کار وکړئ، ولوسونه سره منسجم کړئ د نظام، جمهوریت او لوړو ملي ګټو د ملاتړ لپاره یې په یو واحد صف کې متحد کړئ، ترڅو په هېواد کې مو ناخوالې ختمې او پر ځای یې د مینې او ورورولۍ ویاړلی ټغر د تل لپاره وغوړېږي.
