د پلان او پالیسۍ ریاست سره د همغږۍ په موخه ناسته
دوشنبه/۲/ ذوالقعده الحرام/ ١٤٤٤
د سرحدونو، قومونو او قبایلو چارو وزارت نوي ټاکل شوي مسلکي معین ښاغلي مولوي احمدطه قادري د دغه وزارت د پلان او پالیسۍ ریاست له رئیس او کارکوونکو سره وکتل.
په پیل کې د یاد ریاست رئیس مولوي نېک محمد افغاني د خپل ریاست کارکوونکې مسلکي معین ته ور وپېژندل او وروسته یې د همدغه ریاست کړنلاره، پلانونه، تر لاس لاندې او تکمیل شوې پروژې او نور اړوند مطالب وړاندې کړل.
نوموړي یاد ریاست او کارکوونکو ته په اشارې سره وویل: دغه ریاست د مسلکي کسانو په لرلو سره د وزارت د پلانونو او پالیسیو د پر وخت ترسره کولو لپاره هڅه کوي او له نورو ادارو سره په همغږي د وزارت مقام ودانیزي او ترمیماتي چارې مخ ته وړي.
د ناستې په پای کې مسلکي معین ښاغلي قادري د یاد ریاست ټول کارکوونکې د هیواد آبادۍ او ښې رازۍ ته راوبلل او د دوی د تېرو لاسته راوړنو ستاینه یې وکړه. نوموړي د یاد ریاست کارکوونکو ته په چارو کې د بریا غوښتنه وکړه او د کارونو د چټکتیا په برخه کې یې د هر اړخیزې همکارۍ ډاډ ورکړ.
