د وزارت ستراتیژیک پلان د مسودې په اړه غونډه!
په دې غونډه کې، چې نن چهار شنبه دمرغومې میاشتې پر ۱۷مه نېټه د سرحدونو او قبایلوچارو وزیر ښاغلي محب الله صمیم په مشرۍ او د سرحدي څېړنو د معین، یو شمېر رئیسانو او سلاکارانو په ګډون جوړه شوې وه، لومړی د پلان او پالیسۍ رئيس د مسودې په بېلابېلو اړخونو رڼا واچوله او د غونډې ګډونوالو ددغې مسودې په اړه د ترسره شوي کار په څرنګوالي او د هغه د بډاینې په اړه خپل نظریات شریک کړل.
ورپسې د سرحدونو او قبایلو چارو وزیر ښاغلي صمیم ټینګار وکړ، چې باید یاد پلان له ټولو اړخونو ښه بډای او کره اوسي، ترڅو د هغه په رڼا کې خپلو ټاکلو موخو ته ورسېږو.
همدا راز یې د سرحدي څېړنو معین په مشرۍ او یو شمېر رئیسانو او سلاکارانو په ګډون یوه کمېټه وټاکله، ترڅو د پلان نیمګړتیاوې اصلاح او مسوده بشپړه کړي.
