د هېواد د بېلابېلو ولایتونو کوچي قوم له عالمانو، مخورو اوځوانانو سره کتنه

محرم ۳ دوشنبه

د سرحدونو، قومونو او قبایلو چارو وزارت سرپرست محترم ملا نورالله نوري نن له غرمې مخکې په داسې حال کې چې د کوچيانو چارو سمون ادارې لوي رئيس محترم گل زرين کوچى او د وزارت د اطلاعاتو او عامه اړيکو رئيس ملا حمدالله فطرت هم حضور درلود د هېواد د بېلابېلو سیمو د کوچي قوم له عالمانو، مخورو او ځوانانو سره د وزارت د کنفرانسونو په تالار کې وکتل. په سر کې د يادو مشرانو په استازولۍ رمضان سلطان خېل پخپلو خبرو کې د باميان او ميدان وردگو په ولايتونو کې يې د ملا نورالله نوري په مشرۍ د يو پلاوي لخوا د شخړو د حل کميسيون د جوړيدو له امله مننه وکړه او له اسلامي نظام څخه د ملاتړ څرګندولو ترڅنګ يې د اسلامي نظام ټينګښت د ټولو افغانانو په تېره بياد ديني عالمانو هلې ځلې وبللې. ورپسې محترم نوري لومړى د جهاد په سنگرونو کې د دوي له گډون، قربانيو او زغم څخه مننه وکړه وې ويل چي د ولسونو تر منځ روغې جوړې او همغږي رامنځته کول زموږ فريضه ده او تل به د ولس په خدمت کي يو، دا چي د قومي مشرانو اخلاص او ستر زغم وو چي ستونزه حل شوه. دغه راز يې د ستونزو په حل کې یادو مشرانو ته د دوامداري همکارۍ ډاډ ور کړ.