د هرات ولايت د تورغونډۍ بندر له چارو کتنه ترسره شوه
شنبه ۲۷ ربيع الآخر ۱۴۴۸
د سرحدونو، قومونو او قبایلو چارو وزارت د سرحدي پلټنو مرستیال مولوي عنایت الله شجاع تېره ورځ د يوه ګډ هيئت په شتون کې د هرات ولايت تورغوندې بندر ته سفر وکړ او هلته يې له مسؤلینو سره د همغږۍ، ستونزو د مشخصولو او خلکو ته د غوره خدمتونو وړاندې کولو په اړه خبرې وکړې.
ښاغلي شجاع د خپل دې سفر پرمهال د بندرې چارو له کتلو او ارزولو ورورسته د غوره خدمتونو وړاندې کولو له امله د مسؤلينو هڅې او فعاليتونه وستايل او همداراز يې ځيني نيمګړتياوي هم په ګوته کړې، چې د مسؤلينو د پام وړ وګرځيدې.
دا په داسې حال کې ده، چې د سرحدونو، قومونو او قبايلو چارو وزارت د سرحدي پلټنو مرستيال د هېواد د سرحدې چارو او ډيورنډ فرضې کرښې د بررسي او ارزولو په موخه سرحدي ولايتونو ته سفرونه کوي، ترڅو له مېشتو خلکو او مسؤلينو سره په ناستو کې ستونزې مشخص او د اړتيا په صورت کې رسېدنه ورته وکړې.
