د هرات له والي سره ليدنه !

mobta-af
چهارشنبه ۱۳۹۸/۶/۲۰ - ۱۱:۱۵
mobta

د سرحدونو او قبایلو چارو وزير ښاغلي محمد شفيق ګل آغا شېرزي نن سې شنبې د روان لمریز کال د وږي په 19مه نېټه په داسې حال کې، چې د وزارت د جرګو او قبايلي چارو د همغږۍ معين ښاغلي محمد يعقوب احمدزى، د دغه ولایت د سرحدونو او قبایلو چارو رئیس ښاغلی انوارالحق ژمن، د وزارت مقام سلاکار جنرال عظيم خان، د وزارت د اطلاعاتو او عامه اړيکو رئيس ښاغلی عبدالوحيد خاورې او يو شمېر قومي مشران هم ورسره ملګري وو، د هرات له والي ښاغلي عبدالقيوم رحيمي سره وکتل. د کتنې په پيل کې د هرات والي پلاوی ته د ښه راغلاست ویلو ترڅنګ د سولې او ملي یووالي د ټینګښت په برخو کې د سرحدونو او قبایلو چارو وزارت هلې ځلې وستایلې او د جرګې په جوړولو کې یې د هر ډول همکاریو ډاډ ورکړ. ورپسې د سرحدونو او قبایلو چارو وزير ښاغلي محمد شفيق ګل آغا شېرزي هرات ولایت ته د خپل سفر موخې له ښاغلي رحيمي سره شریکې کړې او د جرګې په جوړولو کې د محترم والي د مرستو او همکاریو غوښتنه وکړه. ښاغلي شېرزي وویل: د سرحدونو او قبایلو چارو وزارت هڅه کوي، چې په هېواد کې د سولې د ټینګښت لپاره د افغانستان په بېلابېلو ولایتونو کې جرګې جوړې کړي، چې دادې نن هرات ولايت ته راغلي یو، چې ددغه ولایت د قومي مشرانو، علماوو، ځوانانو او مخورو په ګډون پراخه جرګه جوړه کړو.

تازه خبرونه

چهارشنبه ۱۳۹۸/۱۱/۳۰ - ۱۴:۵۰
Background image

د ټاکنو د خپلواک کميسېون له خوا د دوهم ځل لپاره د افغانستان د اسلامي جمهوريت د جمهور ريس په توګه د جلالتماب ډاکټر محمد اشرف غني د اعلان په مناسبت د سرحدونو او قبايلو چارو د وزير محترم محمد شفيق ګل آغا شېرزي د مبارکۍ پيغام!

د زيات وياړ او خوشالۍ ځاى دى، چې د روان کال ولسمشريزو ټولټاکنو د نهايي پايلو پربنسټ زموږ محبوب ولسمشر د دوهم ځل لپاره د افغانستان منتخب ولسمشر اعلان شو.

چهارشنبه ۱۳۹۸/۱۱/۳۰ - ۱۴:۴۹
Background image

له مخورو شخصیتونو سره کتنې!

د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن سې شنبې د روان لمریز کال د سلواغې میاشتې پر ۲۹ مه نېټه د برید جنرال عبدالقادر عطایي، د اروزګان ولایت د ولایتي. . .

چهارشنبه ۱۳۹۸/۱۱/۳۰ - ۱۴:۴۸
Background image

د اروزګان ولایت د ولایتي شورا له مشر سره کتنه!

د سرحدونو او قبایلو چارو وزیر ښاغلي محمد شفیق ګل آغا شېرزي نن سې شنبې د روان کال د سلواغې میاشتې پر ۲۹ مه نېټه په داسې حال کې، چې د وزارت مسلکي مرستیال ښاغلی ډاکټر فریدون بارکزی او د. . .

BACK TO NEWS