د نیمروز ولسونه د جمهوریت او نظام ملاتړ کوي او پر مخالفينو غږکوي، چې اوربند وکړي!
د نیمروز ولایت مېشتو قومونو د یوې پراخه غونډې په ترڅ کې، چې نن یکشنبې د ۱۳۹۹ لمریز کال د مرغومي پر ۲۱ مه نېټه جوړه شوې وه، د سولې له روان بهیر څخه ملاتړ څرګند او د دایمي اوربند غوښتنه یې وکړه.
په یاده غونډه د سرحدونو او قبایلو چارو وزیر ښاغلي محب الله صمیم چې یاد ولایت ته يې رسمي سفرکړی دغه راز قومي مشرانو، ولایتي چارواکو، مدني فعالانو، ځوانانو او د رسنیو استازو ګډون کړی و.
په پیل کې ښاغلي صمیم له دې امله چې له نږدې څخه یې د نیمروز له خلکو سره لیدنه کیږي خوښي څرګنده کړه ورپسې یې په خپلو خبرو کې د سولې په ارزښت او د سولې د تامین په برخه کې د قومي مشرانو په ونډې هراړخیزې خبرې وکړې.
وې ویل: چې سوله یو الهي نعمت او الله (ج) زموږ لپاره خیرګڼلې ده. دا زموږ ټولو ملي مسؤلیت دی، چې په خپل هېواد کې د تلپاتې سولې، هغې سولې د ټینګښت لپاره چې هغه د هر افغان کورته د رښتینې ورورولۍ او سوله ییزې فضا پیغام راوړي ګډې هڅې وکړو، ځکه چې اقتصادي وده او ټولنیزه هوساینه د سولې په شرایطو کې له کومې ستونزې پرته رامنځته او د ټولو برخو د پرمختګ لپاره د اړتیا وو او غوښتنو سره سم کار ترسره کیدا ی شي.
ښاغلي صمیم وویل: دا جګره ده چې راز راز ستونزې یې زیږولي او د پرمختګ د لارې خنډ ګرځېدلې ده، افغانان له ټولو مخکې په هېواد کې دایمي اوربند او باعزته سوله غواړي.
دغه راز یې د نیمروز له خلکو وغوښتل چې د ټول ګټو پروژو په تطبیق او ساتنه کې همکاري او له نظام، ملي امنیتي او دفاعي ځواکونو څخه، چې په لیکو کې يې ددې هېواد زړور بچیان ځای پرځای دي ملاتړ وکړي.
ښاغلي صمیم د نیمروز ولایت له خلکو سره ژمنه وکړه، چې په نیمروز ولایت کې به یوه لېسه چې په اډانه کې یې لیلیه هم شتون ولري او دغه راز د غونډو او جرګو د تالار د جوړ کړي.
نورو درنو وېناوالو هم د سولې د ارزښت او اړتیا په اړه خبرې وکړې وې ویل: سوله د ټولو افغانان غوښتنه ده، موږ سوله غواړو او دغه راز له مخالفينو غواړو، چې زموږ غوښتنه چې هغه دایمي اوربند دی ومني دغه راز یې له نظام، ملي امنیتي او دفاعي ځواکونو څخه هم ملاتړ څرګند کړ.
