د لنډ مهاله سرویرانو د ګمارنې لپاره تحريري ازموينه واخيستل شوه!
د سرحدونواو قبايلو چارو وزارت د سرحدي او قبایلي چارو د معلوماتو د انسجام پروژې(BTMIS) په بلخ ولايت کې د لنډ مهاله سرويرانو د ګمارلو لپاره تحريري ازموينه د روان کال د وږي مياشتې پر 30 مه نېټه د یاد ولایت د سرحدونو او قبايلو چارو رياست په مرسته واخیستل شوه.
د تحريري ازموینې وړاندې د بلخ ولايت د سرحدونو او قبایلو چارو رياست رئيس سید خلیل روفي ګډونوال ته د ازموینې د شفافیت او د دې پروژې د اهميت په اړه لنډې خبرې وکړې.
ورپسې د وزارت د سرحدي او قبایلي چارو د معلوماتو د انسجام پروژې(BTMIS) د مالوماتو راټولولو چارو آفسرانو خیبر امیري او سید محمد سادات يې ملتيا کوله په ازموينه کې ټولو برخه اخيستونکو ته ښه راغلاست وویل: او د پروژې د اهميت او ازموينې د څرنګوالي په اړه له ګډونوالو سر مالومات شريک او د شفافیت يې پوره ډاډ ورکړ.
د یادونې وړ ده، چې تحريري ازموينې لپاره د بلخ ولايت د مرکز په ګډون د 15 ولسوالیو، لنډ مهاله سرويرانو د استخدام لپاره 435 کسانو د ازموينې غوښتن پاڼې ډکې کړې وې، چې 113 کسانو د تحريري ازموينې لپاره شارټ لست شوي وه، چې په پوره شفافيت سره د ازموينې د کمېټې او له کابل څخه راغلي پلاوي په شتون کې له ټولو ګډونوالو څخه تحريري ازموينه واخيستل شوه.
