د فرمانونو د تعقیب او څار ادارې له مسؤلینو سره ناسته وشوه
۲۶/۶/۱۴۴۵
د امیرالمؤمنین حفظه الله د فرمانونو او حکمونو د تعقیب او نظارت لوی ریاست مسؤلینو د سرحدونو، قومونو او قبایلو چارو وزارت د جرګو او قبایلو چارو د همغږۍ له مرستیال الحاج ملا عبدالخالق عابد او د وزارت له نورو مسؤلینو سره د وزارت په مَقر کې وکتل.
په یاده ناسته کې د فرمانونو او حکمونو د تعقیب لوی ریاست استازي عبدالحسیب غیاثي دغه وزارت د خپل ورتګ موخه څرګنده کړه ویې ویل چې نوموړي پلاوي ته د امیرالمؤمنین او د رئیس الوزارء د احکامو او فرامینو د تعقیب، د اداراتو نظارت او د ملکي مراجعینو د شکایاتو د پلټنې کولو په موخه دنده سپارل شوې چې له اداراتو سره وخت پر وخت لیدنه وکړو او له چارو څخه یې ډاډ ترلاسه کړي.
ورپسې د جرګو او قبایلو چارو د همغږۍ معین حاجي عابد اخند راغلیو میلمنو ته د هرکلي په ویلو سره زیاته کړه: د ۲۰ کلونو تکالیف او زیار یوازې د دې لپاره و چې دا هیواد د اسلامي نظام تر بشپړ حاکمیت لاندې راشي او اسلامي احکام پلي شي. نوموړي راغلي پلاوي ته د وزارت له چارو څخه اطیمنان ورکړ او ویې ویل چې له یادې ادارې سره به په خپله برخه کې پوره همکاري کوي او چاري به د اسلامي اصولو په رڼا کې مخ ته وړي.
