د غلجيو قوم د انسجام شورا له مشرتابه او غړو سره لیدنه!
د سرحدونو او قبایلو چارو وزیر ښاغلي محب الله صمیم نن د غلجيو قوم د انسجام شورا له مشرتابه او یو شمېر غړو سره ولیدل او د هغوی شته سیمه ییزې ستونزې، چې د روغتیا، پوهنې، د پراختیایي پروژو تطبیق او ورته نورو برخو کې وې له نږدې واورېدې.
دوی د سرحدونو او قبایلو چارو له وزیر ښاغلي محب الله صمیم څخه مننه وکړه، چې نیمروز ولایت ته راغلی او دلته د ولسونو شته ستونزې له نږدې اوري او د حل په موخه یې له اړوندو ادارو سره شریکوي.
ښاغلي صمیم د غلجيو قوم څخه مننه وکړ، چې تل یې د سرحدونو د ساتنې، د نظام د ملاتړ او د قومونو د انسجام لپاره هڅې کړي او په دې لار کې یې قربانۍ ورکړي، دغه راز ښاغلي محب الله صمیم یادو قومي مشرانو ته ډاډ ورکړ، چې ستونزې به یې د حل په موخه له اړوندو ادارو سره شریکې کړي.
