د غزني د سرحدونو، قومونو او قبايلو چارو رئيس د محمد جان کوچي عالي لیسې څخه لیدنه وکړه!
١٤٤٤ق ربيع الاول١٤
د غزني ولايت د سرحدونو، قومونو او قبايلو چارو رئيس ښاغلي محمد اسحاق ادريس نن په داسې حال کې د محمد جان کوچي عالي لېسې له تدريسې او لیلیې برخې څخه لیدنه وکړه چې پر مهال یې د ښوونې او روزنې ریاست یو شمیر چارواکو هم حضور درلود.
د غزني ولايت د سرحدونو ق.ق او قبايلو چارو رئيس محمد اسحق ادريس د دغې لېسې له زدکوونکو سره خبرې وکړې، هغه وويل رياست په پام کې لري چې ستاسو اړتياوې په ګوته کړي او د پوره کولو په موخه يې ژر تر ژره اجرأت وکړي.
د یادولو وړ ده چې د يادې لېسې له تدريسي چارو سربيره یې د ليلیې له چارو څخه هم ليدنه وکړه مسؤلين يې په ښه ډول د دندو تر سره کولو ته متوجه کړل.
