د سولې د نړیوالې ورځې په لمانځغوڼده کې ګډون!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي
د سولی نړیوالې ورځې په لمانځغونډه کې، چی د سولې په چارو د دولت وزارت له خوا جوړه شوې وه، برخه واخیسته.
په دې غونډه کې وینا والو د جګړې پر ناوړه اغیزو او د دایمی اوعادلانه سولې پر راتګ چی واک یی د افغانانو په لاس کې وي ټینګار وکړ.
د سولې په چارو کې د دولت وزیر ښاغلي عبدالسلام رحیمي وویل: د افغانستان حکومت تل د سولې او امن د ټينګښت لپاره چمتووالې ښودلې او په دې لاره کې يې زیاتې هلې ځلې کړي، نوموړي د طالبانو او افغان دولت ترمنځ اوربند ضروري وباله او هیله وښوده، چی طالبان هم باید له افغان حکومت سره نیغ په نیغه خبری وکړې تر څو په هېواد کې څلوېښت کلن ناورین چې افغانانو ته يې بېشمېره مالي او ځاني زیانونه اړولي دي، پاې ته ورسیږي.