د سرحدونواوقبایلوچارو وزارت نوي معین او د کوچیانو چارو نوي لوې ریس په کار پیل وکړ!

mobta-af
سه‌شنبه ۱۴۰۰/۹/۹ - ۶:۲۹
m

ښاغلی الحاج مولوي احمد طه او ښاغلی مولوي ګل زرین کوچی، چې د عالیقدر امیرالمومنین په فرمان سره د سرحدونو اوقبایلو چارو وزارت د معین او د کوچیانو لوي ریس  په توګه ټاکل شوی دی، نن د ۱۴۴۳ ه ق کال د ربیع الثاني پر ۲۵ نېټه د وزارت کارکووونکوته وروپېژندل شول اوپه کارونو یې پیل وکړ.

د سرحدونو او قبایلو چارو وزیر محترم ملا نورالله نوري د نوموړو د پېژندګلوۍ د غونډې پرمهال په حکومتي چارو کې ادلون بدلون یو معمول اصل وباله وې ویل: چې دواړه محترم چارواکي وړ عالمان، متواضع شخصیتونه او مجرب کدرونه دي ، چې د جهاد په دوره کې د اشغال په وړاندې  فعاله ونډه اخیستې او د اسلامي امارت په تېره دوره کې یې په بېلابېلو لوړو پوستونو کې په ښه توګه دنده ترسره کړې، نوموړي زیاته کړه دغه مسؤلیت اوزمه واري یوامانت دی ، چې هم په دې دنیا او هم د قیامت په ورځ له مسوول څخه پوښتنه کیږي. الله ج دې مولوي صاحبانو ته توفیق ورکړي چې په ښه شان خپل مسولیتونه د خپلو همکارانو په همکارۍ ترسره کړي .

m

ورپسې د سرحدونو او قبایلو چارو وزارت د مقام د دفتر ریس ښاغلي شیخ حضرت ولي حقاني په خپلو خبرو کې د نوموړو چارواکو تېرو کارنامو ته په اشارې سره وویل: چې نوموړي نیک اشخاص، تکړه کدرونه او له ښو اخلاقو څخه برخمن دي. زه بشپړ باور لرم چې نوموړي به په خپلو ادارو کې د خپلو همکارانو سره په همغږۍ سره مثبت بدلون راوړي.

وروسته د سرحدونو او قبایلو چارو وزارت معین محترم مولوي صاحب احمد طه په خپلو خبرو کې وویل:  چې زموږ درې شیان سره شریک دي، چې هغه ګډ دین، ګډ هېواد او ګډ دښمن دی، چې باید له خپل دین او ګران هېواد څخه دفاع او د ګډ دشمن په وړاندې مبارزه وکړو او خپلو ځورېدلو خلکو ته غوره خدمات وړاندې کړو،  نوموړي د دې امانت د ترسره کولو اوساتلو لپاره یې په صداقت اواخلاص ټینګار وکړ، زیاته یې کړه، چې له امر څخه باید اطاعت وکړو.

تازه خبرونه

پنجشنبه ۱۴۰۳/۱/۹ - ۱۳:۳۹
Background image

په جوزجان ولایت کې د دوو قومونو ترمنځ د ځمکو پر سر د اختلافاتو حل

۱۸/۹/۱۴۴۵ هـ ق 

د جوزجان ولایت د دشت لیلې په ترکمن قدوق سیمه کې د اسحاق زي او نورزي قومونو ترمنځ د څړځایونو پر سر له څه مودې را پېښ شوي اختلافات د یاد ولایت د سرحدونو، قومونو او قبایلو. . .

چهارشنبه ۱۴۰۳/۱/۸ - ۱۱:۲۵
Background image

د کوچیانو لوی ریاست د خپلو ترسره شویو کارونو ارزونه وکړه

 

۱۶/۹/۱۴۴۵ هـ ق

د سرحدونو، قومونو او قبایلو چارو وزارت اړوند د کوچیانو چارو د سمون لوی رئیس الحاج مولوي ګل زرین کوچي د یوې ناستې په ترڅ کې د ۱۴۰۲ ه ل کال په اوږدو کې د یاد ریاست له. . .

سه‌شنبه ۱۴۰۳/۱/۷ - ۱۳:۵۸
Background image

په هرات کې یوه ۵۰ کلنه شخړه حل شوه

۱۵/۹/۱۴۴۵ هـ ق

د هرات ولایت په کشک رباط سنګي ولسوالۍ کې د طاهري، اڅکزیو او ملکي قومونو تر منځ د څړځایونو پر سر ۵۰ کلنه روانه شخړه د یاد ولایت د سرحدونو، قومونو او قبایلو چارو رئیس. . .

BACK TO NEWS