د سرحدونو، قومونو او قبایلو چارو سرپرست وزیر الحاج ملا نورالله نوري د څلورو ولایتونو له قومي مشرانو سره ولیدل
يکشنبه د ربيع الاول ٦مه
د سرحدونو، قومونو او قبایلو چارو سرپرست وزیر الحاج ملا نورالله نوري نن په خپل کاري دفتر کې د بامیان، میدان وردګ، غزني او دایکندي ولایتونو له اهل تشیع قومي مشرانو سره د قمندان عبدالولي خان په شمول داسې مهال ولیدل چې د همدې وزارت مسلکي معین مولوي عبدالرحمن حقاني، د جرګو معین الحاج عبدالخالق عابد او رئیس دفتر شیخ حضرت ولي حقاني هم حضور درلود . د یادو ولایتونو قومي مشرانو له سرپرست وزیر څخه د دوی په سیمه کې د ښوونې، روغتیا او ځوانانو ته د کاري زمینې د برابرولو غوښتنه وکړه، د سرحدونو، ق.ق چارو سرپرست وزیر الحاج ملا نورالله نوري د یادو مشرانو ستونزې واوریدې او د حل په موخه یې د همکاري ژمنه ورسره وکړه، هغه زیاته کړه چې د بې روزګاره ځوانانو لپاره به یې اړوندو ادارو ته د کار موندنې سپارښتنه وکړي، همدا راز يې د دوی له همکاري څخه مننه وکړه چې په خپلو سیمو کې یې تل د ا.ا.ا تر قيادت لاندې د امن او پر مختګ ملاتړ کړی.
