د سرحدونو، قومونو او قبايلو چارو وزارت لخوا په ټول هيواد کې د ولسواليو په کچه ولسي غونډې لاهم دوام لري
پنجشنبه ۳۰ ربيع الثاني ۱۴۴۷
د ياد وزارت له خوا د هيواد په ټولو ولايتونو کې د دوهمو واحدونو په مرسته ولسواليو کې د ولسي خلکو سره د ستونزو او رېدو په مناسبت دا اونۍ د غزني ولايت په واغظ، د فارياب په ګرزيوان، د باميان په ورس او د کنړ ولايت په وټه پور او منورې ولسوالي کې له عامو خلکو سره پراخې ولسي غونډې ترسره شوې.
د غونډو پر مهال مسؤلينو ولسي خلکو ته ډاډ ورکړ، چې د هرې وړې او لويې ستونزې د حل لپاره يې پرله پسې هڅې کوي او دا کار خپل شرعي، اسلامي او ملي دنده بولي. يادو مسؤلينو همداراز د شيخ صيب اميرالمؤمنين حفظه الله هغه فرمان ولوست، چې موخه يې د سيمه ييزو ناسمو دودونو او رواجونو مخنيوی او د اسلامي ارزښتونو پياوړتيا ده. هغوی پر خلکو غږ وکړ، چې د ياد فرمان په پلي کولو کې خپل ايماني مسؤليت ادا کړي او د ټولنې د ناسمو رواجونو په لمنځه وړلو کې همکاري وکړي.
قومي مشرانو د غونډې پر مهال په خپلو خبرو کې څرګنده کړه، چې د ا.ا.ا په راتګ سره په هيواد کې د امنيت، ثبات او ولسي يووالي فضا پياوړې شوې ده. هغوی په دغه برخه کې د مسؤلينو هڅې وستايلې او ويې ويل، د خلکو ستونزو ته د رسېدو او خدمتونو د ښه کېدو لپاره روان کارونه د ستاينې وړ دي. قومي مشرانو له حکومت وغوښتل، چې دا لړۍ همداسې دوامداره وساتي څو ولسونه د سوکاله او باعزته ژوند شاهدان واوسي.
