د سرحدونو، قومونو او قبايلو چارو وزارت د ۷۱ ميليونه افغانيو په لګښت خدماتي پروژوې پيلوي
دوشنبه ۳۰ شوال ۱۴۴۶
د سرحدونو، قومونو او قبايلو چارو وزارت د سرحدي پلټنو مرستیال مولوي محمد اسماعیل غزنوي په مشري نن له غرمې مخکې د ننګرهار او کنړ ولايتونو په یو شمېر سرحدي ولسواليو کې د خدماتي پروژو د پيل او عملي چارو د ترسره کولو په موخه مشورتي ناسته وکړه.
په دغه مشورتي ناسته کې د سرحدي خدماتو مرکزي کمېټې استازو او د یادې کمېټې تخنیکي غړو ګدون کړی وو، چې پرمهال یې د سرحدي پلټنو مرستیال ښاغلي غزنوي فرضي کرښې ته څېرمه ولسواليو کې د خدماتي پروژو د تطبيق په څرنګوالي خبرې وکړې او د مرکزي کميټې غړو ته یې دنده وسپارله ترڅو د پروژو د عملي کارونو لپاره لاس په کار شي.
یادې پروژې به د ننګرهار په اچين، دور بابا، لعلپوره، مومندره او خوګياڼو ولسوالۍ کې د څه باندې ۷۱ ميلیونه افغانيو په لګښت پلې شي او ځایي اوسېدونکې به یې په نږدې راتلونکې کې له ګټو څخه برخمن شي.
