د رحمان بابا او بایزید روښان انستیتیو نوي آمرینو معرفت غونډه ترسره شوه
۱۹/۲/۱۴۴۵
د سرحدونو، قومونو او قبایلو چارو وزارت اړوند د بایزید روښان انستیتیوت او رحمن بابا عالي لېسې لپاره نوي ټاکل شوي آمرین د یوې ناستې په ترڅ کې خپلو کارکوونکو ته ور وپېژندل شول. په دغه معرفت ناسته کې د یاد وزارت د بشري سرچینو رئیس مولوي کریم شاه تیلوي، د ښوونې او روزنې رئیس مولوي عبدالرحمان رحماني، د لېسې او انستیتیوت کارکوونکو او استادانو ګډونه کړی وو.
د غونډې په پیل کې یې مولوي سمیع الله چې پخوا یې د یاد وزارت د علماوو د آمر په توګه دنده ترسره کوله د رحمان بابا د لېسې د آمر په توګه د یادې لیسې کارکوونکو ته ور پېژاند او وروسته مولوي عزیز احمد اخندزاده چې د رحمن بابا د لېسې مخکینی آمر و، د بایزید روښان انستیتیوت د آمر په توګه خپلو کارکوونکو ته ور وپېژندل شو.
د یادو مراسمو په ترڅ د ښوونې او روزنې رئیس او مل پلاوي تغیر او تبدیل د اداراتو اصل یاد کړ او دواړو ټاکل شویو آمرینو ته یې د مبارکي ترڅنګ په چارو کې د بریا هیله څرګنده کړه.
