د خوشحال خان عالي لېسې په انګړ کې نیالګې کېنول شول
۱۴۴۵/۹/۷
د پسرلي په را رسېدلو سره د سرحدونو، قومونو او قبایلو چارو وزارت اړوند د خوشحال خان عالي لېسې په انګړ کې د لېسې د چاپیریال د لا سمسورتیا په موخه زینتي بوټي او نیالګي د یادې یاد وزارت د استازو، د لېسې د آمر او اداري کارکوونکو په حضور کې کېنول شول.
د نیالګیو کېنولو پر مهال د یادې لېسې آمر مولوي محمدي وویل چې د کرنې اوبو لګولو او مالداري وزارت په مرسته یې د پسرلي په را رسېدلو سره ۲۰۰ د ناجو او مورپام ونې او ۱۰۰ د ګل ګلاب بوټي راوړې دي چې د لېسې په انګړ کې به د لېسې د کارکوونکو په مرسته وکرل شي.
هغه زیاته کړه: ونې او بوټي چاپیریال ته ښکلا ور بښي او د زده کوونکو لپاره د مطالعې یو ښه چاپیریال را منځته کوي.
