د جینوا کنفرانس د ژمنو د تعقیب په اړه د عامه پوهاوي ورکشاپ جوړ شو!
تر یاد سرلیک لاندې ورکشاپ د سرحدونو او قبایلو چارو وزارت د بشري زېرمو ریاست لخوا د ۱۴۰۰ لمریز کال د غبرګولي میاشتې پر ۱۸ مه نېټه جوړ شو.
په دې ورکشاپ کې د سرحدي څېړنو معین ښاغلي ډاکتر محمد اصف قاضي زاده، د بشري زېرمو رئيس ښاغلي محمد یاسین پکتین او د وزارت کارکوونکو ګډون کړی و.
په پیل کې د بشري زېرمو رئیس ښاغلي محمد یاسین پکتین په لنډه توګه د جینوا کنفرانس د مرستو، شرایطو او ژمنو په اړه خبرې وکړې، د فساد پر وړاندې په مبارزه ټینګار وکړ دغه راز ښاغلي ډاکټر محمد آصف قاضي زاده هم په خپلو خبرو کې د افغانستان لپاره د جینوا کنفرانس مهم وباله او په دې برخه کې یې د ژمنتیا، د فساد پر واندې په مبارزې او په ښه ډول د مسولیتونو په ترسره کولو ټینګار وکړ.
هیله یې څرګنده کړه، چې په هېواد کې یې سوله ټینګښت ومومي او د تل لپاره د بد مرغیو او فساد ټغر ټول شي. له کارکوونکو یې وغوښتل چې د فساد پر وړاندې جدي مبارزه وکړي.
همدا راز ښاغلي استاد زهیر د جینوا کنفرانس په اړه ترتیب کړي پریزنټیشن کې د جینوا کنفرانس د جوړېدو پر څرنګوالي، موخو ،چوکاټ، شرطونو، د جینوا د مخکنیو او وروستي کنفرانس تر منځ د توپیر او د بېلا بېلو هېوادونو له خوا د ژمنه شویو مرستو په اړه معلومات وړاندې کړل.
