د جوزجان ولایت د سرحدونو او قبایلو چارو ریاست ستونزې واورېدل شوې!
د سرحدونو او قبایلو چارو سرپرست او نوماند وزیر ښاغلي محب الله صمیم نن له غرمې مخکې د جوزجان ولایت د سرحدونو او قبایلو چارو له رئيس میرویس خان ابدالي سره د خپل کار په دفتر کې وکتل او ورسره یې خبرې وکړې.
په دې کتنه کې ښاغلي ابدالي د یاد ریاست د کاري کړنو او فعالیتونو په اړه معلومات وړاندې کړل او یو لړ ستونزې یې د حل په موخه د وزارت له مشرتابه سره شریکې کړې.
ورپسې ښاغلي محب الله صمیم د خپلو خبرو په ترڅ کې د نوموړي کړنې وستایلې او د چارو د ښه والي په موخه یې لازمې لارښوونې وکړې.
