د جلالتمآب ولسمشر د لومړي مرستیال د روغتیا پوښتنه وشوه.
د سرحدونو او قبایلو چارو وزیر محترم محمد شفیق ګل آغا شېرزي نن په داسې حال کې، د وزارت مسلکي مرستیال ښاغلی ډاکټر فریدون بارکزی او حاجي جاوید شېرزی هم ورسره ملګري وو، د جمهوري ریاست د لومړي مرستیال ښاغلي امرالله صالح دفتر ته ورغلل او د هغه د روغتیا پوښتنه یې وکړه.
محترم شېرزي پر ښاغلي صالح باندې برید په کلکه وغانده، هغه یې د هېواد دښمنانو کار وباله، د پېښې شهیدانو ته یې د فردوس جنت او ټپیانو ته د بشپړې روغیتا هیله وکړه او دا چې ښاغلی صالح له ترهګریز برید څخه روغ وتلې خوښي څرګنده کړه.
په مقابل کې د جمهوري ریاست لومړي مرستیال محترم صالح د ښاغلي شېرزي له ورتګ ،نیک احساس، خواخوږۍ او ډاډګېرنې څخه مننه وکړه.
