د تاو تریخوالي د کمښت اوونۍ له پای ته رسېدو سره سم، د اوربند غوښتنه او د سولې له پروسې ملاتړ کوو!
دغه څرګندونې د کندوز مرکز او بېلابېلو ولسوالیو د قومي شوراګانو مشرانو او قومي مخورو د سرحدونو او قبایلو چارو ریاست له لورې جوړې شوې غونډې کې وکړې.
دا غونډه، چې د کندوز ولایت د سرحدونو او قبایلو چارو ریاست د جرګو په تالار کې جوړه شوې وه، ۱۵۰ تنو د قومي شوراګانو مشرانو، قومي مخورو، دیني عالمانو او ځوانانو په کې ګډون کړی وو.
د کندوز ولایت د سرحدونو او قبایلو چارو رئیس نظیف الله نظیف د قومونو له مشرانو مننه وکړه، چې په ټولو ملي پروسو کې یې د ملي ګټو نه ملاتړ کړی.
د کندوز ولایت د علماوو شورامشر محمد عقیل سیرت، ظابط عزیزالله، سید داود هاشمي، حاجي میرزا محمد لغماني، عبدالحق حقجو، ارباب حفیظ، حاجي اغامیر ناصري، سید جان ایماق او نظیر احمد احدي ویناوې وکړې، چې ټولو د تاوتریخوالي د اونۍ د پای سره سم، د اوربند غوښتنه او د سولې له پروسې یې ملاتړ وکړ.
دوی ژمنه وکړه، چې هر قومي مشر به سولې ته کار کوي، کور په کور او کلي په کلي به دغه کمپاین ته دوام ورکوي.
