د اووه ورځینې ښوونیز ورکشاپ په څلورمه ورځ له فساد سره د مبارزې او د ملکي خدمتونو د قانون په اړه پوهاوې ورکړل شو.
نیټه: ۵/۴/۱۴۴۴
د سرحدونو، قومونو او قبایلو چارو وزارت لخوا د ظرفیت لوړونې اووه ورځنی ښوونیز ورکشاپ چې درې ورځې مخکې د بشري زیرمو ریاست د ظرفیت لوړونې آمریت لخوا د سرحدونو قومونو او قبایلو چارو وزارت اړوند د دویمو واحدونو د رئیسانو او امرینو په ګډون پیل شوی و، په څلورمه ورځ یې هم د بشري زیرمو ریاست لخوا د فساد پر وړاندې د مبارزې او ملکي خدمتونو د قانون د پوهاوي په اړه د استادانو لخوا پر مخ یووړل شو.
د یادونې وړ ده چې د ورکشاپ د استادانو درسي بهیر د سرحدونو، قومونو او قبایلو چارو وزارت د څیړنو او مطالعاتو د رئیس هدایت الله حقاني او د بشري زیرمو د رئیس کریم شاه تیلوي لخوا له نژدې نظارت کیده.
په پام کې ده چې دغه ښوونیز ورکشاپ به دوه ورځې نور هم دوام وکړي او په راتلونکو دوو ورځو کې به هم د مختلفو موضوعاتو په اړه د ورکشاپ ګډونوالو ته پوهاوی ورکړل شي.
