جوزجان کې ۲ کلنه شخړه حل او ميدان وردګو کې دوې مرورې کورنۍ پخلا شوې

پنجشنبه ۲۷ صفرالمظفر ۱۴۴۷ د جوزجان ولايت د سرحدونو، اقوامونو او قبایلو چارو ریاست استازو د یو شمېر علماوو، قومي مخورو او سپین ږیرو په حضور کې هغه دوه کلنه شخړه هواره کړه، چې د څوکسانو ترمنځ د پيسو د يو لړ قرضدارۍ له امله رامنځته شوې وه. مسؤلينو د دغه شخړې د هواري پرمهال له ښکېلو خواوو اختيار ليکونه واخيستل او د هغوی ترمنځ يې د يوې منصفانه پرېکړې په اساس فيصله وکړه، چې دواړو خواوو ته دمنلو وړ ورګرځيده او د خوښي لاسونه يې سره ورکړل. په همدې حال کې د ميدان وردګ ولايت په نرخ ولسوالۍ کې هم د دوو کورنيو ترمنځ يوه خپل منځي شخړه د دغه ولايت د سرحدونو، قومونو او قبايلو چارو آمريت مسړلينو له لوري په سوله ييزه توګه حل او طرفينو د ورورولي غاړې سره ورکړې.