جوزجان کې د ۷ کلنې شخړې پای
پنجشنبه ۸ جمادی الأولی ۱۴۴۷
د دغه ولایت د سرحدونو، اقوامو او قبایلو چارو رياست مسئولینو د ولايتي ادارې په همکاري د قوشتپې ولسوالي د چهارسای سیمې ته د خپل سفر پرمهال د دوو قومونو ترمنځ د ځړځايونو پر سر را پورته شوې اووه کلنه شخړه هواره کړي.
د يادې شخړې د هواري پرمهال د مسؤلينو د مل پلاوي په مرسته موضوع له نېږدي وڅېړله له دواړو خواوو کې واکونه واخېستل او د يوې شرعي فيصلي په کولو سره يې حق حقدار ته وسپاره، چې په همدې سره يې ياده اوه کلنه شخړه پای ته ورسېده.
ښکېلو دواړو خواوو د مسؤلينو د پرېکړې هرکلی وکړ او د هغوی د قدرداني ترڅنګ يې ژمنه وکړه، چې له دې وروسته به د ورورولي، یووالي او همکاري لاسونه يو بل ته ورکوي.
