په باميان ولايت کې ۱۵ کلنه بدی په دوستي بدله شوه

سه شنبه ۱۵ ذوالقعده ۱۴۴۶

د باميان ولايت په مرکز کې د دوو کورنيو ترمنځ د يو لړ سوداګريزو مسايلو پر سر راپورته شوې ۱۵ کلنه بدي د ياد ولايت د سرحدونو، قومونو او قبايلو چارو آمريت مسؤلينو، قومي مشرانو او سيمه ييزو خلکو په همکارۍ پای وموند.

په همدې مناسبت د را بلل شوې غونډې ګډونوالو ته مسؤلينو په خپلو خبرو کې د بديو او تربګنيو په ناوړه پايلو معلومات وړاندي کړل او ښکېل اړخونه يې دې ته راضي کړل، چې له دښمنې لاس واخلي او د سولې ژوند ته مخه کړي.

په پای کې جرګه کوونکو مشرانو له پوره تحقيق او څېړنو وروسته د اسلامي شريعت په رڼا کې فيصله واوروله، چې د ښکېلو خواوو د پخلا کېدو سبب شوه او په همدې سره يې يو بل ته د خوښۍ غاړې ورکړې