د ملي مصالحې د عالي شورا له غړي او د هېواد د بېلابېلو پوهنتونونو له استادانو سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن د خپل کار په دفتر کې د ملي مصالحې د عالي شورا له غړي ښاغلي سمیع الله صمیم او د پوهنتون له یو شمېر استادانو سره وکتل.
په دې کتنه کې د سرحدونو او قبایلو چارو د سرپرست او نوماند وزیر په توګه د ښاغلي محب الله صمیم انتخاب نیک او پرځای اقدام وبلل شو او راغلو مشرانو او استادانو د موجوده نظام د ملاتړ په ترڅ کې له وزارت سره د خپلو همکاریو د دوام ډاډ ورکړ.
ورپسې ښاغلي صمیم د دوې له ملي احساس څخه د مننې په ترڅ کې وزارت د افغانستان د ټولو پرګنو ګډ کور وباله زیاته یې کړه، موږ به ستاسو سلا مشورې اورو او په ګډه به د هېواد د ملي ارزښتونو او ملي مصالحو د ساتلو په لار کې هاند او هڅه کوو.
