اداري مجلس جوړ او د چارو په ترسره کولو کې په تفاهم او همغږۍ ټینګار!
د سرحدونو او قبایلو چارو وزارت په اداري مجلس کې چې نن شنبه د ۱۳۹۹ لمریز کال د زمري پر ۲۵ نېټه د دغه وزارت د جرګو او قبایلي چارو د همغږي مرستیال ښاغلي محمد یعقوب احمدزي په مشرۍ جوړ شو، د اړوند ادارو ترمنځ یې د چارو په ترسره کولو کې د تفاهم په لرلو او همغږۍ ټینګار وکړ.
د مجلس په پیل کې ښاغلي احمدزي له کرونا ویروس څخه د ټولو کارکوونکو د ژغورنې او هغو کارکوونکو ته چې د دې ناروغۍ له امله يې خپل خوږ ژوند له لاسه ورکړ د الله (ج) له دربار څخه د بخښنې غوښتنه او دعا وکړه.اوپه هېواد کې د یوې واقعیي او رښتینې سولې د ټینګښت او د سولې مذ اکرې د پیل او ښې پایلې هیله وکړه، پخپلو خبرو کې د پلان مطابق د چارو په چټکوالي، تنظیم، پروخت او ځای د بودجې په لګښت ټینګار وکړ.
ورپسې د جرګو د همغږۍ رئیس د کرونا ویروس د خپریدو له امله په ولایتونو کې د جرګو او ورکشاپونو د ځنډېدو، مالي او حسابي رییس د ۱۳۹۹ لمریز کال د شته بودجې او لګښت د څرنګوالي، د بشري زېر مو رییس د کابینې د پریکړې پراساس د ندوته د ټولوکارکوونکود راتګ او پر حاضرۍ د نظارت، د ظرفیت جوړونې د ښونیزو کور سونو د پیلیدو، د حقوقي چارو سلاکار د افغانستان د اسلامي جمهوري دولت د کابینې د 1399/4/30 نیټې د څوارلسمې مصوبې د پنځمې مادې پربنسټ چي دولتی ادارې دې خپل تقنینی اسناد عدلې وزارت ته واستوې همدارازد داخلي پلټنې رییس په ټینګار وکړ:چې د وزارت اړوند ادارې دې د پلټنې عالي اداري ته خپل اړوند اسناد د داخلې پلټنې ریاست لخوا واستوي.
ورپسې د ښوونې او روزنې رییس د تعلیمي بنسټونو د جذب لایحې چې سږ کال به د تطبیق وړنه وي او همدارازد وزارت اړوندلېسوته د سږني کال د جذب د څرنګوالي او د تحقیق او مطالعاتو رئیس د باران اوبو د ذخیره کولوپه ورکشاپ کې چې د افغانستان د اوبو تنظیم د ملي ادارې لخوا جوړ شوی و د ګډون او د یادې ادارې په مرسته د ادارو د باراني اوبود تنظیم په اړه خبرې وکړې.
په یادو او یو لړ نورو مهمو مسایلو د مجلس ګډونوالو بحث وکړاو د هرې برخې کاري کمېټو ته يې سپارښتنه وکړه، چې د موضوعاتو د ښه تنظیم او ستونزو د حل په اړه ناستې ترسره او په راتلونکي مجلس کې د پرمختګ په اړه رپوټونه وړاندې کړي همداراز پروخت د مالي اسنادو په طی مراحل کولو هم ټینګار وشو.
