په هرات کې د مجددي صاحب د کورنى له مشرانو او غړو سره ناسته
د سرحدونو او قبايلو چارو وزير ښاغلي محمد شفيق ګل شېرزي تېره ورځ په هرات کې د حضرت مجددي د کورنى له مشرانو ښاغلي محمد شريف مجددي ، او نورو غړو سره وکتل.
په دې کتنه کې ښاغلي مجددي د نورو په استازېتوب د قومونو په انسجام او ملي يووالي په ټينګښت کې د ښاغلي شېرزي نه ستړې کېدونکي هلې ځلې وستايلې.
ورپسې ښاغلي شېرزي د غونډې د ګډونوالو له ملي احساس څخه د مننې په ترڅ کې وويل، افغانستان زموږ لومړيتوب دى، ټاکنې د سولې لپاره ضروري دي افغانان بايد خپل ملي ذعيم د ټاکنو له لارې وټاکي.
