په هلمند كي د سنبلې نهمه د پښتنو او بلوڅو د پيوستون ورځ ولمانځل شوه
د بلوڅو اوپښتنو د پيوستون ورځ له نن څخه ۷۰ كاله مخکې په ۱۳۲۸ لمريز كال كي د پغمان په يوه جرګه كي چي ګڼو قومونو ګډون درلود، په رسميت وپېژندل شوه. دغه ورځ د پښتونستان ورځې په نامه هم ياديږي، چي پخوا هم د كابل د پښتونستان واټ او ټولو ولاياتو کې په شانداره مراسمو سره لمانځل كېده
په غونډه كي د ولايت مالي او اداري مرستيال او د مقام سرپرست ښاغلي مجاهدالله صفاري، د سرحدونواوقبايلوچارواو اطلاعاتواوكلتور رئيسانو حميدالله وياړ او نويد نظري، د قومي شوراګانو مشرانو، او د بلوڅ قوم ګڼو قومي مخورو ګډون كړى وو.
د سرحدونواوقبايلو چارو رئيس د پښتنواوبلوڅو د پيوستون ورځي د تاريخچې بيانولو ترڅنګ وويل، پښتانه او بلوڅان له كلونو راهيسي يو ډول دردونه، كړاونه او محروميتونه لري، او ګڼ مشران يې په مرموز ډول وژل شوي، او د دې سترو قومونو د آزادۍ اوو پرمختګ مخ يې ډب كړى.
قومي مشرنجيب الله بلوڅ، حاجي احمدجان، محمدصديق ذاهدي، عبدالاحد معصومي عبدالرحيم يوسفي په خپلو ويناوو کې د بلوڅو او پښتنو وړونو قومونو او نورو افغانانو غږ وكړ چې اتحاد وساتي، او د يو اوبل په همكارۍ هېواد د ښېرازۍ په لور راكاږي.
ويناوالو د پاكستان حكومت لخوا د دوی د حقونو د ترلاسه كولو لپاره يې د ملګرو ملتونو پاملرنه وغوښتله.
د اطلاعاتواوكلتور رئيس د سنبلې نهمه يوه وياړمنه ورځ وبلله، او د پښتنواوبلوڅو قومونو پر تاريخي همكاريو او ملګرتيا يې خبري وكړې.
د هلمند ولايت مالي اداري مرستيال او د مقام سرپرست ښاغلي مجاهدالله صفاري د پښتنواو بلوڅو پر يو والي او اتحاد ټينګار سره وويل، كه د ډيورنډ فرضي كرښي دا او ها غاړه بلوڅ اوپښتانه تهديدنشي، او د خپلو حقوقو څخه محروم نشي، نو كولاى شي ډېر ژر پرمختګ وكړي. ښاغلي صفاري زياته كړه، قومي مشران او ديني عالمانو د قومونوترمنځ د ورورولۍ په ټينګښت كي اغېزمن رول لري، او بايد خلك اتحاد او اتفاق ته وهڅوي.
