په هلمند، سرپل او بلخ ولايت کې لسګونه زړې کلنې شخړې پای ته ورسېدې
دوشنبه ۲۶ شوال المکرم ۱۴۴۷
د هلمند ولايت نوزاد ولسوالۍ په کني سیمه کې د درېیو"۳" کورنیو ترمنځ شاوخوا ۳۵ کلنه شخړه د دغه ولايت د سرحدونو، قومونو او قبايلو چارو رياست د مسؤلينو، اړوندو ادارو، ځايي قومي مشرانو او متنفذينو په هڅو پای ته ورسېده.
د غه شخړه، چې د ځمکې د ملکيت پر سر راپورته شوې وه او درې مختلفې کورنۍ پکې ښکېل وې د اوږدو دوامداره لانجو ورسته د اسلامي امارت د مشرانو په منځګړيتوب داسې مهال پای ته ورسېده، چې د ښکېلو کورنيو مشران د يوې جرګې له لارې لو مړی سولې ته راضي او بيا يې ترمنځ د عادلانه پرېکړې له مخې سوله وشوه.
همداراز د سرپل ولايت په سيدآباد ولسوالي کې هم د دوو کورنيو ترمنځ د ځمکې د ملکيت پر سر راپورته شوې ۱۵ کلنه شخړه د ياد ولايت د سرحدونو، قومونو او قبايلو چارو رياست استازو لخوا د يوې را بلل شوې غونډې په ترڅ کې حل او حق حقدار ته وسپارل شو.
د دغو شخړو سر بېره د بلخ ولايت د سرحدونو، قومونو او قبايلو چارو رياست رئيس د دينې علماوو په مرسته د ياد ولايت مرکز مزارشريف ښارکې د څو کورنيو ترمنځ د کورنيو جنجالونو له کبله راپورته شوې ۶ کلنه شخړه په سوله او ورورولي بدله کړه.
