په باميان او پکتيکا ولايت کې مسؤلينو د ولسواليو په کچه غونډې ترسره کړې.
دوشنبه ۱۵ ربيع الأول ۱۴۴۷
د باميان ولايت په کهمر ولسوالي او د پکتيکا ولايت په خيرکوټ ولسوالي کې له عامو خلکو سره د يادو ولايتونو د سرحدونو، قومونو او قبايلو چارو رياست مسؤلينو لخوا د همغږۍ او يووالي په موخه پراخه غونډې ترسره شوې.
د غونډو پرمهال مسؤلينو د اسلامي امارت پراهميت او ارزښت خبرې وکړې، د نظام په لاسته راوړنو يې رڼا واچوله او له خلکو يې وغوښتل، چې په هرحالت د دې نظام ساتنه وکړي. يادو مسؤلينو د قومي مشرانو لخوا هم ډاډ ترلاسه کړ، چې د اړتيا په صورت کې به د اسلامي امارت څخه د مال او ځان په دبدل کې ساتنه کوي.
يادې غونډې، چې د ولسواليو په کچه ترسره کېږي پکې د ولسواليو استازو، قومي مشرانو، علماوو او عامو ولسي خلکو سره د اسلامي اخوت، ورورولي او يو شمېر مهمو ولسي موضوعاتو په تړاو بحثونه ګېږي ترڅو د حل په لارو چارو يې کار وشي.
