په خوست، نورستان او فراه ولايت کې بېلابېلې ولسي غونډې!
پنجشنبه ۱۱ ربيع الأول ۱۴۴۷
د اسلامي اخوت او ټولنيزو ستونزو د حل په موخه د خوست په اسماعيل خېلو او مندوزيو، د نورستان په واما او د فراه ولايت په دوو ولسواليو لاش جوين او شيبکو کې له عامو خلکو سره پراخه ولسي غونډې ترسره شوې.
په دغو رابلل شويو غونډو کې د ذکر شويو ولايتونو د سرحدونو، قومونو او قبايلو چارو رياستونو مسؤلينو په مشري، د ولسواليو استازو، قومي مخورو، ديني عالمانو، ځوانانو، عامو خلکو او د اسلامي امارت منسوبينو ګډون درلود.
دغونډو پرمهال مسؤلينو په خپلو خبرو کې د اسلامي امارت په لاسته راوړنو رڼا واچوله او له خلکو يې وغوښتل، چې د نظام په ملاتړ او ساتنه کې دي له هرې ممکنه لارې استفاده وکړي. يادو مسؤلينو د ولسي خلکو ستونزې هم واورېدې او د حل په موخه يې تر لوړ رتبه مشرانو د ژر رسولو ژمنه وکړه ترڅو په تړاو يې عملي ګامونه پورته شي.
