په غزني ولايت کې د دوو قومونو تر منځ ۸ کلنه دښمني په دوستي بدله شوه
چهارشنبه ١٤٤٦/٤/٢٧
د دغه ولايت په ناهور ولسوالۍ کې د دوو قومونو ترمنځ د څارویو پر سر هغه ۸ کلنه دښمني په دوستۍ بدله شوه، چې د دواړو قومونو تر منځ يې لوی جنجالونه ایجاد کړي وو.
د غزني ولايت د سرحدونو، قومونو او قبايلو چارو رياست مسؤلينو په مشرۍ د ځايي قومي سپين ږيرو، علماوو او متنفذینو لخوا لومړی پېښه تعقيب شوه او بيا د دواړو قومونو له استازو سره له جلاجلا ناستو وروسته مصلحينو عادلانه فيصله وکړه، چې په همدې توګه ياده ۸ کلنه شخړه هواره شوه او ښکېلو لوریو يو بل ته بښنه وکړه.
دوی د سرحدونو، قومونو او قبايلو چارو وزارت له استازو او د اسلامي امارت له مسؤلينو مننه وکړه، چې د دغې شخړې په هوارولو کې يې نه ستړې کېدونکې هلې ځلې وکړې.
