په باميان ولايت کې د دوو قومونو ترمنځ پنځوس ۵۰ کلنه بدي په دوستۍ بدله شوه
دوشنبه ۱۴۴۶/۳/۲۷
د دغه ولايت په يکه ولنګ ولسوالۍ کې د ځمکې پر سر د دوو لويو قومونو ترمنځ هغه پنځوس ۵۰ کلنه شخړه هواره شوه چې د وخت حکومتونو او خلکو د ډيرو هلو ځلو سره سره ناحل پاتې وه. د باميان ولايت د سرحدونو، قومونو او قبايلو چارو آمريت، د قومي مشرانو، مصلحينو، علماوو او د ا.ا.ا د ځينو مسؤلينو په شريکو همکاريو دغه اوږده شخړه حل شوه او دواړه طرفونه د سولې په ټغر سره کېناستل.
مصلحينو او جرګه کوونکو د يادې موضوع د ښه تشخيص په موخه سيمې ته سفر وکړ او د دواړو طرفونو په عادلانه فيصله يې دغه پنځوس کلنې شخړې ته د پاي ټکی کيښود. ښکېلو اړخونو د ا.ا.ا له مسؤلينو څخه مننه وکړه چې دغه جنجالي شخړه يې ورحل کړه او ژمنه يې وکړه چې راتلونکي کې به د يو بل پر واندې هيڅ تاو تريخوالي ته زړه نه ښه کوي بلکې د ورورۍ ژوند به کوي.
د سرحدونو، قومونو او قبايلو چارو وزارت د ولايتي رياستونو او ادارو په مرسته د ولسونو تر منځ دې ته ورته سلکونه اوږدې، جنجالي او خونړۍ شخړې حل او فصل کړې دي.
