په میدان وردګو ولایت کې یوه کورنۍ شخړه حل شوه
۱۴/۱۰/۱۴۴۵
په میدان وردګو ولایت کې د دوو کورنیو تر منځ د تربګنیو او کورنیو موضوعاتو پر سر رامنځته شوې شخړه چې کلونه یې دوام کړی و، د یاد ولایت د سرحدونو، قومونو او قبایلو چارو ریاست، نورو دولتي مسؤلینو او دیني عالمانو په مرسته په دوستي بدله شوه.
د شخړې د حل پر مهال ټاکل شوي پلاوي پوره څېړنه وکړه، چې د تحقیق په پایله کې دا څرګنده شوه چې دواړو غاړو ځیني خطاګانې ترسره کړې، مرکچي پلاوي له طرفینو څخه له واک اخیستلو وروسته د دوی په اړه د ښې ګڼې پرېکړه وکړه او دواړه لوري یې په منلو راضي شول.
د منازغې ښکېلو لوریو ژمنه وکړه چې یادې پرېکړې ته به ژمن پاتې کېږي که چیرته یې له فیصلې سرغړونه وکړه د الله (ج) ګناهکار او د مرکچیانو ملامت به بلل کېږي، شخړه د دُعا په کولو سره پای ته ورسېده.
