د غصب د مخنیوي کمیسیون او ټاکل شوي پلاوي په فاریاب ولایت کې له قومي مشرانو سره وکتل
۱۴۴۵/۹/۱۷ ه ق
د سرحدونو، قومونو او قبایلو چارو وزارت د سرحدي پلټنو د معین الحاج مولوي محمد اسماعیل غزنوي په مشرۍ د غصب شویو ځمکو د مخنیوي او استرداد کمیسون او ورسره مل پلاوي نن د فاریاب ولایت د سبزپوش، کوهستانات، دشت لیلې او چهل ګزي ولسوالیو له قومي استازو سره د خپل کاري سفر په ترڅ کې وکتل.
یاد پلاوي د فاریاب له والي او د ولایت له تخنیکي ټیم سره په ګډه په یاده شوې سیمه کې له قومي مشرانو سره هر اړخیز بحث وکړ، د دوی ترمنځ په عامه مرعا، څړځایونو او میراثي ځمکو رامنځته شوې ستونزې یې له ټولو طرفینو څخه په دقت واورېدلې.
د دغې ناستې پرمهال ټولو قومي مشرانو ته ډاډ ورکړل شو چې یاده قضیه به له پوره څېړنې وروسته حل کېږي. د کمیسیون د مشرتابه له لوري د ولایت تخنیکي غړو ته هدایت ورکړل شو چې عارضې او اړوند اسناد دي یې په کره ډول وکتل شي.
