له څيړونکوو سره د ورسپارل شويو مسوليتونو د ارزونې په موخه دويمه تعقيبي ناسته ترسره شوه
۱۷\۸\۱۴۴۵ هـ ق
د سرحدونو، قومونو او قبایلو چارو وزارت په مسلکي معینیت کې د تحقیق او مطالعاتو ریاست د څيړونکوو په گډو هڅو د هېواد په بېلابيلو ولايتونو کې د مختلفو موضوعاتو پر سر د را ټول شويو معلوماتو په اړه دويمه تعقیبي ناسته تر سره شوه.
په یاده ناسته کې د وزارت مسلکي معین ښاغلي مولوي احمد طه قادري، د دعوت و ارشاد رئیس مفتي شفیع الله ثاقب، د تحقیق او مطالعاتو رئیس مولوي هدایت الله حقاني، د ښوونې او روزنې رئیس مولوي عبد الرحمن رحماني، د علماوو آمر مولوي عبد الوارث اخند زاده حضور درلود.
لومړي د ياد رياست مسولو څيړونکو له خپل لوري د ځینو ولایتونو او ولسوالیو په تاریخي آثارو، زراعتي ځمکو، او ځنگلونو هر اړخيزه معلومات وړاندې کړل زيات يې کړه چې يادو برخو ته دې ځانگړې پاملرنه وشي .
ښاغلي قادري له څيړونکو سره په خبرو کې افغانستان يو زراعتي او تاريخي هېواد ياد کړ زيات يې کړه چې ستاسو ځوانانو په مټ به د ترقۍ او پيشرفت پر لور ځې دغه راز يې په ياده برخه کې د دوئ له کار کړنو څخه خوښې څرگنده کړه او د هر ډول همکارۍ ډاډ يې ورکړ.
