د وردګو ولایت په بهسودو ولسوالۍ کې کوچیانو او هزاره مشرانو ته د عامه پوهاوي ورکشاپ جوړ شو
۱۳/۱/۱۴۴۵
د میدان وردګو ولایت اوله برخه بهسودو ولسوالۍ کې کوچي او هزاره مشرانو ته د سرحدونو، قومونو او قبایلو چارو امریت په هڅو د جنیوا کال مؤسسې له لوري دوه ورځنی ورکشاپ دایر شو چې پر مهال یې د یادې ولسوالۍ ۲۰ تنو هزاره او کوچي مشرانو، ځوانانو او سرخېلانو ګډون کړی وو. په یاد ورکشاپ کې د ماینونو په ضررونو، زخمیانو ته د بیړنیو مرستو په رسولو، د سوځېدنې پر مهال د بیړنۍ مرستې او نورو برخو کې هر اړخیزمعلومات وړاندې شول. د سرحدونو، قومونو او قبایلو چارو آمر مولوي امین الله آخندزاده د یاد ورکشاپ له دایریدلو څخه خوښي څرګنده کړه او د یادې مؤسسې له استازو یې مننه وکړه چې کوچي او هزاره مشرانو او ځوانانو ته په مهمو برخو کې معلومات ورکوي. د ورکشاپ ګډونوالو په خپلو خبرو کې د سرحدونو، قومونو او قبایلو چارو له آمر او د یادې مؤسسې له استازو څخه قدردانی وکړ چې په مهمو برخو کې یې ورته ورکشاپ وړاندې کړ. هغوی له یادو مسؤلینو څخه د نورو سیمو خلکو ته هم د ورته پروګرامونو د برابرولو غوښتنه وکړه.
