د ادارې او مدیریت دوه ورځنی ورکشاپ
چهارشنبه/۱۸/ذولقعدة الحرام/۱۴۴۴
د سرحدونو، قومونو او قبایلو چارو وزارت اړوند د بشري سرچینو ریاست د دغه وزارت نویو مقرر شویو کارکوونکو ته د اداري مدیریت د اساساتو تر عنوان لاندې دوه ورځنی ورکشاپ دائر کړ. په دغه ورکشاپ کې د یاد وزارت جدیدالتقرر کارکوونکو ته د مدیریت اساسات، د مدیریت سطحې او په اداراتو کې د طرزالسلوک او قوانینو د مرعاتولو په اړه هر اړخیز معلومات وړاندې شول. د یادولو وړ ده چې د یاد ریاست د ظرفیت لوړونې امریت وخت پر وخت ورکشاپونه او سیمنارونه جوړوي او د کارکوونکو د اداري او علمي مهارتونو د لوړولو په برخه کې کار کوي.
