د ترانسپورت عمومي مدیریت کارکوونکو ته د نقلیه وسایطو د حفظ او مراقبت په اړه یو ورځنۍ ورکشاپ جوړ شو
یکشنبه۸ ذولقعده الحرام۱۴۴۴
په یاد ورکشاپ کې چې د سرحدونو، قومونو او قبایلو چارو او ترانسپورت وزارتونو په همغږۍ جوړشوی و دسرحدونو، قومونواوقبایلو چارووزارت د ترانسپورت عمومي مدیریت کارکوونکو ګډون کړی و. چې پکې له دولتي وسایطو څخه پر ځای استفادې او حفاظت ټینګار وشو.
د ترانسپورت وزارت اړوند مسلکي استادانو چې د نقلیه وسایطو د حفظ او مراقبت په برخه کې یې معلومات ورکول وویل: چې وزارت اړوند نقلیه وسایط بیت المال دی او استفاده کوونکي باید له هغې څخه د استفادې پر مهال خپل مسؤلیتونه هېر نه کړي په چلولو کې یې له بې غورې څخه ډډه وکړي د ترانسپورت او ترافیکو د اصولو مطابق ورڅخه پرځای ګټه پورته کړي ځکه چې له بیت المال سره بې غوري له ملي شتمنیو سره بې غوري ده.
د دې ترڅنګ د یاد ورکشاپ په پای کې د راغلیو مسلکي استادانو او ګډون کوونکو ترمنځ ازاد بحث وشو او په دې سره ورکشاپ پای ته ورسېد.
