د هلمند ولایت له یوشمېر کوچې قومي مشرانو سره کتنه
۴/جمادي الثاني/۱۴۴۴ هـ ق
د سرحدونو، قومونو او قبایلو چارو سرپرست وزیر الحاج ملا نورالله نوري نن د خپل کار په دفتر کې د هلمند ولایت د کوچیانو له يو شمېر قومي مشرانواو مخورو سره وکتل.
په دې کتنه کې مولوي معروف اسحاقزي د نورو په استازیتوب خبرو کې د قومونو ترمنځ د انسجام په برخه کې د وزرات مقام له هڅو مننه وکړه او خوښي يې څرګنده کړه او د مالدارۍ، پوهنې او کرنې په برخو کې یې یو لړ سیمه ییزې ستونزې د حل به موخه شریکې کړې.
د سرحدونو، قومونو اوقبایلو چارو وزیر ښاغلي ملا نورالله نوري د یادو مشرانو له راتګ څخه مننه وکړه ويې ویل : اسلامي امارت او نظام په ټولوخلکواو قشرونو پورې اړه لري ، ځکه چې د افغانستان خلکو له اشغال څخه د هېواد په آزادۍ کې برخه لرله اوپه دې لار کې یې ډيرې قربانۍ ورکړې دي.
ښاغلي نوري زیاته کړه چې د قومونو ستونزو او اړتیاوو ته رسیدګي خپله دنده بولم ، مشرانو ته یې ډاډ ورکړ چې غوښتنې اوستونزې به یې له اړوندو ارګانونو سره د حل په موخه شریکې کړي.
