د کارکوونکود کاري کړنو ارزونې د څرنګوالي په اړه درې ورځنۍ ښوونیزپروګرام پیل شو
يکشنبه١٠جمادي الاول١٤٤٤
تردې سرلیک لاندې ښوونیز درې ورځني پروګرام په پیل غونډه کې د ملکي خدمتونو ریاست د پالیسیو او حقوقي چارو مرستیال ښاغلي ویس الدین ویس او یو شمېر کار پوهانو، دسرحدونو، قومونواوقبایلو چارووزارت د بشري زېرمو رئیس ښاغلي کریم شاه تیلوي اود وزارت د مرکزي ریاستونورئیسا نو اوآمرینوګډون کړی وو.
ښاغلي ویس الدین ویس لومړی د بشري زېرموریاست له همغږۍ اوهمکارۍ مننه وکړه وې ویل چې زموږ موخه خدمت کول دي دد ې خدمت د ترسره کولو لپاره موږ هر یو مسؤلیتونه اومکلفیتونه لرو چې باید یې پروخت د پلان له مخې تر سره اوپه اړه یې دعملي کړنوراپور ولرو، نوځکه مو دا ښوونیز پروګرام په ټولو آدارو کې پام کې نېولی چې دخپلې دندې اوکار په اړه معلومات ترلاسه او دهغې کار د مخ ته وړلوپه برخه کې زده کړه ولرو.
د وزارت د بشري زېرمو رئیس کریم شاه تیلوي دا ډول ښوونیز پروګرامونه یوه اړتیا وبلله له ګډونوالویې وغوښتل چې د چارود غوره ترسره کولو لپاره اړوند معلومات په ډېر دقت واوري او عملا ترې استفاده وکړي.
د یادولو وړ ده چې په دې ښوونیزپروګرام کې به د ارزونې د بېلابېلو ډولونو، د دندو دلایحې، د کار پلان ، د نظارت فورم، د کاري اجرااتو په اړه د راپوراو د ارزونې فورم د طرزالعمل په اړه هر اړخیز نظري او عملي معلومات وړاندې شي.
