غزني ولایت ته د سرحدي بررسيو مرستيال ښاغلي شيخ محمد قاسم خالد سفر
١٤٤٤قمري کال د ربيع الثاني ۱۸مه
د سرحدونو، قومونو او قبایلو چارو وزارت د سرحدي برسۍ مرستيال ښاغلي شيخ محمد قاسم خالد غزني ولایت ته د خپل رسمي سفر په ترڅ په دغه ولایت کې د غزني د سرحدونو، قومونو او قبایلو چارو ریاست څخه لیدنه وکړه.
د غزني رئيس مولوي محمد اسحق ادريس ښاغلي خالد ته د خپلو کاري کړنو په اړه لنډ معلومات ورکړل او خپلې یو لړ ستونزې یې د حل په موخه ورسره شریکې کړې.
د سرحدونو، قومونو او قبایلو چارو وزارت د سرحدي برسۍ مرستيال شيخ محمد قاسم خالد د ياد رياست رئيس او کارکوونکو ته لار ښونه وکړه چې د غزني په مرکز او ولسواليو کې دې د خلکو ترمنځ شته ستونزي او اختلافات له قومي مشرانو سره د سلا مشورو او جرګو له لارې حل کړي تر څو په ټولنه کې مو د امن، سولې او ورورولي فضا خپره شي نوموړى دغه راز ډاډ ورکړ چې ستونزې به یې د وزارت د شته امکاناتو په چوکاټ کې حل کړي.
